Posted By Staff Editor Posted On

Kuwait dinar to Inr; പ്രവാസികൾക്ക് നാട്ടിലേക്ക് പണമയക്കാൻ ഇത് പറ്റിയ സമയം… ദീനാറിന്റെ രൂ​പ​യി​ലേ​ക്കു​ള്ള വി​നി​മ​യനി​ര​ക്കി​ൽ വ​ർധന

Kuwait dinar to Inr; പ്രവാസികൾക്ക് നാട്ടിലേക്ക് പണമയക്കാൻ ഇത് പറ്റിയ സമയം… ദീനാറിന്റെ രൂ​പ​യി​ലേ​ക്കു​ള്ള വി​നി​മ​യനി​ര​ക്കി​ൽ വ​ർധന

Kuwait dinar to Inr; ഇ​ന്ത്യ​ൻ രൂ​പ​യു​ടെ മൂ​ല്യം ഇ​ടി​ഞ്ഞ​തോ​ടെ കു​വൈ​ത്ത് ദീ​നാ​റി​ന്റെ രൂ​​പ​​യി​​ലേ​​ക്കു​​ള്ള വി​​നി​​മ​​യ നി​​ര​​ക്കി​​ൽ വ​​ർ​ധ​ന. കു​​വൈ​​ത്ത് ദീ​​നാ​​റി​​ന് രൂ​​പ​​യി​​ലേ​​ക്കു​​ള്ള കൈ​​മാ​​റ്റ​​ത്തി​​ൽ മി​​ക​​ച്ച റേ​​റ്റാ​​ണ് നി​​ല​​വി​​ൽ രേ​​ഖ​​പ്പെ​​ടു​​ത്തു​​ന്ന​​ത്. ക​ഴി​ഞ്ഞ ഒ​രാ​ഴ്ച​യാ​യി ഒ​രു ദീ​നാ​റി​ന് 270 രൂ​പ​ക്ക് മു​ക​ളി​ൽ രേ​ഖ​പ്പെ​ടു​ത്തു​ന്നു​ണ്ട്. ചൊ​വ്വാ​ഴ്ച 271ന് ​മു​ക​ളി​ൽ എ​ത്തി.കുവൈറ്റിലെ വാർത്തകളും വിശേഷങ്ങളും അറിയാന്‍ വാട്സ്ആപ്പ് ലിങ്കില്‍ ക്ലിക്ക് ചെയ്യുകhttps://chat.whatsapp.com/GMahzIEXNbwAOtNNdTjDBm

ക​ഴി​ഞ്ഞ വ​ർ​ഷം അ​വ​സാ​ന​ത്തി​ൽ തി​രി​ച്ച​ടി നേ​രി​ട്ടി​രു​ന്ന യു.​എ​സ് ഡോ​ള​ർ ഈ ​വ​ർ​ഷം ക​രു​ത്താ​ർ​ജി​ച്ചു. ലോ​ക രാ​ഷ്ട്ര​ങ്ങ​ളി​ലെ​യും മി​ഡി​ൽ ഈ​സ്റ്റി​ലെ​യും സം​ഘ​ർ​ഷാ​വ​സ​്ഥ​യാ​ണ് യു.​എ​സ് ഡോ​ള​റി​ന് സ​ഹാ​യ​ക​മാ​യ​ത്. ഈ ​വ​ർ​ഷം ആ​ദ്യ ട്രേ​ഡി​ങ് സെ​ഷ​നി​ൽ ത​ന്നെ യു.​എ​സ് ഡോ​ള​റി​നെ​തി​രെ രൂ​പ​യു​ടെ മൂ​ല്യം ഇ​ടി​വ് രേ​ഖ​പ്പെ​ടു​ത്തി.

ആ​ഭ്യ​ന്ത​ര വി​പ​ണി​യി​ലെ ദു​ർ​ബ​ല​ത​യും യു.​എ​സ് ഡോ​ള​റി​ന്റെ പോ​സി​റ്റീ​വ് മൂ​ല്യ​വു​മാ​ണ് ഇ​ന്ത്യ​ൻ രൂ​പ​യു​ടെ മൂ​ല്യം ഇ​ടി​യാ​ൻ കാ​ര​ണം. ക്രൂ​ഡ് ഓ​യി​ൽ വി​ല​യി​ലു​ണ്ടാ​യ ചാ​ഞ്ചാ​ട്ട​വും രൂ​പ​യെ ബാ​ധി​ച്ചു. ഒ​​രു കു​​വൈ​​ത്ത് ദീ​​നാ​​റി​​ന് ശ​​രാ​​ശ​​രി 268 ഇ​​ന്ത്യ​​ൻ രൂ​​പ ല​​ഭി​​ച്ചി​​രു​​ന്ന​​ത് ക​ഴി​ഞ്ഞ വ​ർ​ഷം പ​കു​തി​യോ​ടെ 269ന് ​​മു​​ക​​ളി​​ൽ എ​​ത്തി​​യി​​രു​ന്നു. ക​ഴി​ഞ്ഞ ആ​ഴ്ച​ക​ളി​ൽ 270ന് ​മു​ക​ളി​ലും ചൊ​വ്വാ​ഴ്ച 271ന് ​മു​ക​ളി​ലും എ​ത്തി.

അ​​ടു​​ത്തി​​ടെ ല​​ഭി​​ച്ച ഏ​​റ്റ​​വും ഉ​​യ​​ർ​​ന്ന നി​​ര​​ക്കാ​​ണി​​ത്. യു.​എ​സ് ഡോ​ള​റി​ന്റെ ഉ​ണ​ർ​വ് കു​റ​ച്ചു കാ​ലംകൂ​ടി തു​ട​രു​മെ​ന്നാ​ണ് സൂ​ച​ന. മി​ഡി​ലീസ്റ്റി​ലെ സം​ഘ​ർ​ഷ​ങ്ങ​ൾ​ക്ക് അ​യ​വു​വ​രു​ന്ന​തോ​ടെ ഡോ​ള​റി​ൽ ഇ​ടി​വു​ണ്ടാ​കു​മെ​ന്നാ​ണ് സാ​മ്പ​ത്തി​ക രം​ഗ​ത്തു​ള്ള​വ​ർ പ​റ​യു​ന്ന​ത്. യു.​എ​സി​ലെ പ​ണ​പ്പെ​രു​പ്പ​വും ഇ​തി​നെ ബാ​ധി​ക്കും. മി​​ക​​ച്ച വി​​നി​​മ​​യ മൂ​​ല്യം ല​​ഭി​​ച്ച​​തോ​​ടെ നാ​​ട്ടി​​ലേ​​ക്ക് പ​​ണ​​മ​​യ​​ക്കാ​​ൻ കു​വൈ​ത്തി​ലെ പ​​ണ ഇ​​ട​​പാ​​ട് എ​​ക്സ്ചേ​​ഞ്ചു​​ക​​ളി​​ൽ എ​​ത്തു​​ന്ന​​വ​​രു​​ടെ​​യും എ​​ണ്ണം കൂ​​ടി. ഒ​രു ദീ​നാ​റി​ന് ര​ണ്ടു രൂ​പ​യോ​ളം മാ​റ്റം വ​ന്ന​തോ​ടെ കൂ​ടു​ത​ൽ പ​ണം അ​യ​ക്കു​ന്ന​വ​ർ​ക്ക് ഈ ​സ​മ​യം അ​ധി​ക തു​ക ല​ഭി​ക്കും. പ​ണ​മി​ട​പാ​ട് സ്ഥാ​പ​ന​ങ്ങ​ൾ​ക്കും ഇ​തോ​ടെ ഉ​ണ​ർ​വ് വ​ന്നി​ട്ടു​ണ്ട്.

Comments (0)

Leave a Reply

Your email address will not be published. Required fields are marked *